Xəbərlər
 
"Azərbaycan Yeni Nəsil Hüquqşünaslar Assosiasiyası" ictimai birliyi "SR Broker" MMC ilə birgə əməkdaşlığı çərçivəsində "Yüklərin idxal və ixrac proseduru altında rəsmiləşdirilməsi adlı seminar təşkil edir. "Azərbaycan Yeni Nəsil Hüquqşünaslar Assosiasiyası" İB "Sığorta işi və onun əsasları" adlı təlimə start verir. "Azərbaycan Yeni Nəsil Hüquqşünaslar Assosiasiyası" ictimai birliyi və "A-1 Consulting" MMC- nin birgə əməkdaşlığı çərçivəsində "Əmək hüquq münasibətlərində inzibati xətalar və onun həlli yolları" adlı Seminar təşkil edilir "V Yay Təcrübə Proqramı" çərçivəsində AZTV-nin "səhər" proqramı verilişində Uşaq Hüquqları Konvensiyasının 28 illiyinə həsr olunmuş seminar keçirildi. "V Yay Təcrübə Proqramı"nın təltifetmə mərasimi xəbər portalında "V Yay Təcrübə Proqramı"nın təltifetmə mərasimi Vəkillər Kollegiyasının üzvü Aqil Layıc ilə açıq sual-cavab Tələbə Təqaüd Proqramının seçim mərhələsi keçirildi V Yay Təcrübə Proqramı “Şəxsi həyata hörmət və şəxsi həyatın toxunulmazlığı hüququ” adlı təlim keçirildi “Azərbaycan Yeni Nəsil Hüquqşünaslar Assosiasiyası” ictimai birliyi “Şəxsi həyata hörmət və şəxsi həyatın toxunulmazlığı hüququ” adlı təlimə start verir. "Milli Hüquq Evi"nin rəhbəri, çox dəyərli hüquqşünas Nicat Gözəlov ilə səmimi görüş keçirildi. “Gender əsaslı bərabərlik, problemlər və onun həlli yolları” adlı təlim keçirildi "AYNHA Görüş Klubu"-nun Ümumi Yığıncağı keçirildi.  
— Şura 2017-ci il qrant müsabiqəsinin yekunları haqqında qərar qəbul edib
 

06-03-2017, 10:15

 

Şura 2017-ci il qrant müsabiqəsinin yekunları haqqında qərar qəbul edib

Bu gün Azərbaycan Respublikasının Prezidenti yanında QHT-lərə Dövlət Dəstəyi Şurasının növbəti iclası keçirilib. Şura sədrinin müavini Vüsal Quliyev iclası açaraq gündəliyə təklif olunan Şuranın 2017-ci il birinci qrant müsabiqəsinin nəticələri haqqında məsələni elan edib. Gündəlik yekdilliklə təsdiq olunub. Vusal Quliyev sözügedən qrant müsabiqəsinə QHT-lərin 519 layihə təqdim etdiyini və ekspertlərin onlara verdiyi ballarla Şura üzvlərinin tanış olduğunu qeyd edib. Şuranın sədr müavini Katibliyin müsabiqə prosesini Şuranın təlimat və qərarlarına uyğun olaraq lazımı şəkildə təşkil etdiyini deyib.
 
Şura Katibliyinin icraçı direktoru Fərasət Qurbanov 2017-ci il birinci qrant müsabiqəsinin 1-30 dekabr 2016-cı il tarixlərini və 17 mövzunu əhatə etdiyini bildirib. İcraçı direktor bu müddət ərzində Şuranın elektron bazasına 656 QHT-nin müraciət etdiyini bildirib. Sənədləri qaydasında olan 614 QHT qeydiyyata alınıb. Bunlardan 590 QHT Şuraya layihə təqdim edib. İlkin seleksiyadan sonra 519 QHT-nin layihəsi ekspertizaya təqdim olunub. Onlardan 317 layihə keçid balını toplaya bilib.
 
Şura üzvləri Şahin İsmayılov, İlqar Məmmədov, Əliməmməd Nuriyev, Emin Həsənli, Sahib Məmmədov, Anar Xəlilov və Rufiz Qonaqov çıxış edərək gündəlikdə dayanan məsələ ilə bağlı rəy və təkliflərini bildiriblər.
 
Yekun olaraq Şura üzvləri ekspertlərin və Büdcə Komissiyasının rəyini nəzərə alaraq 317 layihənin maliyyələşdirilməsi haqqında qərar qəbul ediblər.
 
Müsabiqənin nəticələrindən narazı qalan QHT-lər 15 mart 2017-ci il, saat 17:00-dək Şuranın Apellyasiya Komissiyasına müraciət edə bilərlər.
 
Müzakirələrdən sonra iclasın gündəliyində olan məsələ səsə qoyularaq qəbul edilib.
 
İclasda Vergilər Məcəlləsinə edilən son dəyişikliklərlə əlaqədar Vergilər Nazirliyinin nümayəndələri ilə QHT-lərin görüşünün təşkil edilməsi də müzakirə olunub.
 
Müsabiqənin nəticələri ilə 7 mart 2017-ci ildə Şuranın www.cssn.gov.az və qhtxeber.az saytlarında tanış olmaq mümkündür.